Respira...

As veces, volvemos do patio un pouco alterados por cousas que pasan durante o recreo: un conflicto no xogo, algún desacordo cunha amiga ou amigo... Non sempre ocurre, pero cando pasa, temos que ser capaces de xestionar todas esas emocións que en moitos casos non nos deixan resolver satisfactoriamente o problema coa compañeira ou compañeiro.

Hai un par de días comezamos a tomarnos un minuto despois do recreo para volver á calma e respirar:

O anterior é un vídeo que vos animo a ver con eles. É un vídeo en inglés con subtítulos en castelán e é posible que vaian algo rápido para algúns deles. Pero podedes pararllo cando o precisen ou diminuir a velocidade do vídeo.

"O tarro da calma"

O símil do que acontece na nosa cabeza témolo en como se comporta a purpurina dun tarro con auga despois de axitalo.

Cando onte viron o tarro da calma que temos na aula, pediron que se puxera no blog a forma de facelo, así que aquí tedes un dos moitos vídeos que hai na web co material e pasos necesarios: https://youtu.be/31eQ69ur9C4.